Uppskrift:

1. Kveikið á ofninum og stillið á 180°c með blæstri.
2. Skerið kartöflurnar í tvennt eftir endilöngu og síðan í þunnar sneiðar. Dreifið síðan úr þeim á eldföstu móti, hellið nokkrum dropum af olíu út á ásamt kryddblöndunni og blandið vel saman. Bakið síðan í ofni í 20 mínútur.
3. Skerið laukinn í tvennt og síðan í þunnar sneiðar. Setjið smjör á pönnuna og látið smjörið bráðna á lágum hita. Þegar smjörið er bráðnað setjið þið skorna laukinn út á pönnuna og látið laukinn malla í smjörinu í um 5 mínútur, eða þar til hann er orðin mjúkur og sætur. Hrærið allan tíman. Takið síðan laukinn af pönnunni og setjið í skál og geymið á volgum stað.
4. Kryddið hamborgara buffin með salti og pipar á báðum hliðum. Steikið síðan buffin á meðalheitri pönnu í um 2 mínútur á hvorri hlið. Takið síðan buffin af pönnunni og geymið.
5. Skerið grillostinn í um 0.5 cm þykkar sneiðar. Gott að miðavið að 3 sneiðar fari á hvern hamborgara. Steikið síðan ostsneiðarnar á meðalheitri pönnunni ásamt nokkrum dropum af olíu. Steikið ostinn í 10-20 sekúndur á hvorri hlið. Leggið síðan ostsneiðarnar ofan á hamborgarabuffinn (3 sneiðar á hvert buff).
6. Hitið síðan brauðin á volgri pönnu.
7. Síðan er að púsla saman hamborgaranum. Chili majónes í botninn, síðan sætur laukur, hamborgarabuff með grillostinum ofan á, síðan aðeins meira chili majónes eftir smekk á toppinn.
8. Borðið með ofnbökuð kartöflunum.
9. Verði ykkur að góðu.