Kveikið á ofninum, stillið hann á 200°c á blæstri.

Byrjum á því að koma kartöflunum inn í ofninn. Skerið forsteiktu kartöflusmælkin í bita og setjið í eldfast mót. Setjið 1-2 msk. af olíu út á og blandið við kartöflurnar. Setjið inn í heitan ofn í 15 mínútur.

Þá undirbúum við okkur fyrir að gera hamborgaran. Skerið piparostinn í sneiðar og setjið til hliðar. Skerið tómatana í sneiðar og takið salatið niður í lauf og leggið til hliðar.

Takið pönnu og hitið upp í meðalhita. Ath þegar maður steikir hamborgara á pönnu frussast olía út um allt ef maður er með hitan of háan. Setjið síðan 1-2 msk. af steikingarolíu á pönnuna. Meðan pannan er að hitna kryddið þið hamborgara buffið með hvítlaukskryddinu, salti og pipar. Síðan er buffið lagt á pönnuna og steikt í um það bil 1 ½ mínútu eða þangað til kjötið er farið að “gráta” á hliðinni sem snýr upp. Þá er buffinu snúið við og steikt í svipaðan tíma á hinni hliðinni. Piparosta sneiðarnar eru síðan lagðar ofan á buffið og í eldfast mót og bakað í 4-8 mínútur eftir því hversu mikið þið viljið hafa kjötið eldað.

Þegar kartöflurnar og buffin eru orðin tilbúin hitið þið brauðið, annað hvort á pönnu á mjög lágum hita eða ofni í nokkrar sekúndur. Síðan er hamborgaranum púslað saman á þann hátt sem þið viljið. Við mælum með brauðbotn, sósa, tómatsneiðar, salat, hamborgarabuff með piparosti, pikklaðar gúrkusneiðar, sósu og brauðtoppur. En þið gerið þetta bara nákvæmlega eins og þið viljið.