Taka til tæki og tól: steikarpanna, hraðsuðuketill eða pottur til að sjóða vatn, skurðarbretti og skurðarhnífur, eldfast mót

Kveikið á ofninum og stillið á 175°c með blæstri

Skrælið rauðlaukinn og skerið í sneiðar. Geymið til hliðar.

Kryddið kjúklingalærin vel á öllum hliðum með kryddblöndunni. Setjið pönnu á helluna og 2-3 msk. af olíu. Þegar pannan er orðin heit setjið þið kjúklinginn á pönnuna og steikið í 1-2 mínútur á  hvorri hlið. Setijð kjúklinginn á eldfasta mótið.

Síðan setjið þið skorna laukin út á pönnuna og látið hann steikjast í olíunni og kryddinu af kjúklingnum. Setjið um 150 ml. Af vatni í pönnuna og látið suðuna koma upp. Bætið síðan ávaxtamaukinu út á pönnuna og blandið vel saman. Hellið blöndunni yfir kjúklingin og dreifið vel úr þessu. Setjið inni í heitan ofnin í 15-20 mínútur

Skerið kirsuberjatómatana í fjórðunga og geymið til hliðar. Skerið endan af little gem salatinu af og hendið. Rífið salatið niður í lauf. Raðið síðan salatinu í skál með tómötum á milli.

Hitið vatn í hraðsuðukattli. Setjið couscousið í skál ásamt smá salti og extracvirgin ólífuolíu. Skerið myntuna smátt og setjið út í couscousið. Þegar vatnið er orðið heitt hellið þið nákvæmlega sama magni af vatni og þið settuð af couscousi í skálina og hrærið. Setjið lok eða disk yfir skálinu og látið standa í um 12-15 mínútur. Gott að hræra 1-2 sinnum meðan cous cousið stendur.

Þegar kjúklingurinn er orðin eldaður takið þið hann út úr ofninum og brjótið söltuðu möndlurnar með hníf eða skeið og dreifið yfir kjúklinginn.

Þá ætti máltíðin að vera orðin klár.