Uppskrift:

1. Byrjið á að sjóða egg. Látið eggin sjóða í 5 mínútur til að fá milli soðin egg. 6 mínútur til að fá þau harðsoðin. Veiðið eggin upp úr vatninu og leggið til hliðar þegar þau eru tilbúin. Sjóðið síðan baunirnar í 1 – 1 & ½ mínútu í eggja vatninu, bætið smá salti út í vatnið með baununum. Veiðið síðan baunirnar upp úr vatninu og geymið.
2. Skerið beikon í 1×1 cm bita. Leysið síðan bitana í sundur. Hitið pönnu upp í meðalhita ásamt 2 msk. af olíu. Steikið beikon bitana þangað til þeir eru orðnir stökkir. Hrærið í bitunum reglulega. Þetta getur tekið um 4-5 mínútur. Þegar beikonið er orðið stökkt takið þið það af pönnunni og hellið olíunni frá.
3. Skerið soðnu kartöflurnar í helminga og setjið í skál. Skerið síðan tómatana í grófa bita og baunirnar í 1×1 cm stóra bita. Blandið þessu vel saman og kryddið með salti og jómfrúar olíu.
4. Skerið salatið í sneiðar þvert á salat hausinn og setjið í skál. Skerið ólífurnar í sneiðar og setjið út á skorna salatið í skálinni. Dreifið síðan kartöflu, tómat og bauna blöndunni yfir salatið. Blandið vel saman. Takið skurnina af egginu og skeriði í báta. Hvert egg í 4 báta. Raðið síðan eggjunum ofan á salatið. Síðan dreifið þið stökku beikon bitunum yfir salatið. Í lokin fer síðan dressingin yfir allt saman eftir smekk.
5. Verði ykkur að góðu.